今日帶大家試食pizza界混血兒,就係壽司pizza, 批底以紫菜同壽司飯製成,仲有三款選擇,十分特別!
第一款要介紹嘅係Tuna N’ Cream,充滿黑松露、吞拿魚蓉同忌廉芝士,黑松露同吞拿魚肉味道好夾而又濃郁,加上批邊嘅甜蛋,味道增添多份清新!
第二款介紹嘅係Canadian,舖滿蟹柳、吞拿魚同辣蛋黃醬,加上酸青瓜,味道酸酸辣辣好開胃!另外,批邊有呑拿魚,鮮甜美味!
第三款介紹嘅係Sea lover,舖滿碎帶子、三文魚同秘製醬汁,醬汁濃厚,三文魚鮮味十足!批邊係三文魚生,味道再昇華!