日前運輸及物流局局長林世雄喺網誌表示，於沙田率先試行對角行人過路處，仲以澀谷為例子，認為’港版’可以對分秒必爭的香港人著實有吸引力，不過第一日試行就已經破相。
有網民喺討論區發帖分享此事，引起熱烈討論！例如有網民認為最近天氣潮濕，應該畀時間等油漆乾晒先好用，又有網民唔明點解咁快就已經整花！另一方面，有網民用其他地方對比，認為’日本有美感好多’，又有網民post英國倫敦馬路做比較，仲有網民用藝術角度評論’覺得中間重疊埋會好睇啲，感覺對稱啲’，’最好地下油哂顏色填滿佢，而家整色整水毫無美感’等評論，十分有趣！
你又點睇呢件事呢？tag埋朋友一齊討論啦！
(網民意見不代表本專頁立場)
